KSENNU KSENPA REK
Alraangki kupṭhunni tuni kphaa thung ngi Ksennu Ksenpa rekka saa mkaan rukku saaluu pkalda, saa aida. Svang-pulraang kthuuk ma-am in rukku Totḷang Kam kchok lamda. Totḷang mkaim in thungva neelaa theda, silki, khuung, taampu, putit ungta pengkhul dumda kporchong kpalrouvi arvang ka-am kcha kchok lam. Tuni kphaa rukku nupa piipu noonaat ava kurkhummi tḷoo mjoso aangṭhee-a mdo vantḷot tḷit chaak daat. Tbin phaakna lung tja ruk arvanphun kchok lamda.
Parvaan vansatti tun-tunni npii-npu, n'nuh-npa ungta nchaat tiki alrou, sum le daar daat kma neela, npaumin in tja ava kder klaam rek tja ngi mdo tsun daak intu kilṭhii ngi arvang kenvei bet-bet ch'da. Mphaa mruk dilva Ksenpa pauna, neelaa kenvei ch'rang ngi tḷooda. Hava hepki mphaa ava thung ngi SILki npau in daat kma neelaa, noonaat, paumin ungta morson-morson hava tsut kroo, tarjaak kroo ungta tparcham kroo ngi, tuni kphaa thu t'hei bin phaak pchaan ja ava tirkhiik chaak nara suṭhat miipii chaanda tunva nirkhiik in mruk suun daat joso ka-am nupṭhun chaak inna. Ava leiji, Isoorra kdung ngi panpaak chaan che mleija nmii-nsaa kma Jessy Glover, Lera, Maria ungta Dmitry le thuuk lamda tunnu ksuun-kderri piipu ki arlimnee tja ava mnau-suun daat joso tdee kphang ch'lamra.
